Kanabisi dhe vecorite e tij

Kanabisi  ( Kanabis Sativa )  i njohur gjithashtu edhe me emrin  Marijuana , është një bimë nga Azia Qendrore që rritet sot në shumë pjesë të botës  .

Cfare  janë kanabinoidet ?

Kanabinoidet janë kimikatet aktive te Kanabis Sativa që shkaktojnë efektet e drogës  në të gjithë trupin , duke përfshirë edhe sistemin  nervor qendror  dhe sistemin imunitar . Ata janë të njohura edhe si fitokanabinoide . Kanabinoidi kryesor aktiv eshte  Delta-9-THC . Një tjetër kanabinoid aktiv  është Kanabidioli  i cili mund te qetesoje dhimbjet dhe inflamacionet e lehta pa shkatuar efektet madhore te Delta-9-THC.

Kanabinoidet mund të jenë të dobishme në trajtimin e kancerit dhe efekteve anësore të tij .

Efekte të tjera të mundshme të Kanabinoideve përfshijnë :

-         aktivitet anti – inflamator

-         Bllokimi  i rritjes se qelizave  kancerogjene.

-         Parandalojne zhvillimin  e enëve të gjakut që furnizojnë tumoret.

-         Aktivitet antiviral .

Në 20 vitet e fundit , shkencëtarët kanë studiuar se si kanabinoidet veprojnë në tru dhe pjesë të tjera të trupit . Receptorët kanabinoid janë zbuluar në qelizat e trurit dhe qelizat nervore në pjesë të tjera të trupit . Prania e receptorët kanabinoid në qelizat e sistemit imunitar sugjeron se kanabinoidet mund të kene  rol edhe ne procesin e imunitetit .

Si perdoret  Kanabisi ?

Kanabisi mund të merret nga goja ose mund të  inhalohet .  Kur merret nga goja ( psh ne forme caji bimor  )  përbërësi kryesor psikoaktiv  delta-9-THC  i nenshtrohet veprimit te melcise duke u kthyer lende kimike psikoaktive.

Kur Kanabisi  merret me ane te inhalimit apo tymosjes , kanabinoidet e tij  hyjne shume shpejt ne qarkullimin e gjakut  . Lendet kimike psikoaktive ne kete rast jane ne sasi me te vogel se sa kur merren nga goja .

Një numër në rritje i hulumtimeve klinike janë duke studiuar një medikament  të bërë nga ekstrakt bimor i Kanabisit që përmban sasi të veçanta të kannabinoideve.  Ky ilaç perdoret si spraj nen gjuhe .

Studimet  preklinike te kanabinoideve kanë vene re   këto aktivitete:

1  Aktivitet  antitumoral

• Studime në minj kanë treguar se kanabinoidet mund të pengojnë rritjen e tumorit duke shkaktuar vdekjen e qelizave  tumorale , duke bllokuar rritjen e qelizave , dhe duke bllokuar zhvillimin e enëve të gjakut të nevojshme  per rritjen e tumoreve . Studimet laboratorike tek keta minj kane treguar qe kanabinoidet mund te jene ne gjendje te eliminojne qelizat kancerogjene nderkohe  qe mbrojne qelizat normale .  

• Një studim tek minjte tregoi se kanabinoidet mund të mbrojne edhe  kundër inflamacionit  të zorrës së trashë dhe mund të ketë potencial në parandalimin dhe trajtimin e kancerit të zorrës së trashë .

2   Stimuluese oreksi

• Shumë studime tek minjte kanë treguar se delta- 9-THC dhe kanabinoidet tjera stimulojnë oreksin . 

Hulumtimet klinike krahasuan delta – 9 – THC ( dronabinol ) dhe një droge standarde ( megestrol ) në pacientët me kancer të avancuar dhe humbje te oreksit . Rezultatet treguan se delta – 9 – THC nuk ishte aq efektive në rritjen e oreksit në pacientët me kancer të avancuar  po aq sa terapi standarde . Megjithatë efikasiteti i tij eshte dukshem pozitiv .

3   Lehtësim dhimbje

• receptorët kanabinoid  janë studiuar në tru , palcën kurrizore , dhe mbaresat nervore në të gjithë trupin për të kuptuar rolin e tyre në lehtësim  e dhimbjes .

4   Nauzeja dhe të vjellat

• Dy kanabinoide jane te  miratuara në Shtetet e Bashkuara  nën emrin  dronabinol dhe nabilon . Të dy keta  jane te miratuara nga  FDA  për trajtimin e nauzese dhe te vjellave si rezultat i  kimioterapise

5   Lehtësim  i dhimbjes

Disa prova të vogla klinike kane treguar se perdorimi oral i delta – 9 – THC lehteson dhimbjet e shkaktuara nga kanceri . Ajo mendohet te krahasohet me veprimin e kodeines . Dronabinoli dhe nabiloni nuk jane aprovuar nga FDA per menaxhimin e dhimbjes .

Efektet negative anësore të kanabinoideve mund të përfshijnë :

-         rrahje te shpejta e zemrës

-         presion i ulët i gjakut

-         relaksim i muskujve

-         Skuqje e syve 

-         Ngadalesim i peristaltikes se zorreve  

-         Marramendje

-         Depresion

-         Halucinacione

-         Paranoia

-         Nervozizëm

-         Shqetesime te  gjumit

-         Të përziera dhe krampe 

Këto simptoma janë të lehta  në krahasim me efektet anesore  qe japin  opiatet ,  dhe zakonisht zvogëlohen pas disa ditësh nga nderprerja e tyre .

Kanabisi nuk është miratuar nga  FDA  për trajtimin e ndonje  simptomë  ne lidhje  me kancerin dhe numrin e madh te shqetesimeve qe krijon ai .

Dy kanabinoide  ( dronabinol dhe nabilon ) janë aprovuar nga FDA për trajtimin e te përzierave dhe te vjellave si pasoje e  kimioterapise ne rastet kur trajtimet e tjera nuk kane dhene rezultat .